Turist alvorleg skadd etter fall
Den kanadiske turisten som laurdag kveld fall ned i ei 15 meter djup sprekke ved Folgefonna, er alvorleg skadd. Det opplyser Helse Bergen i ei pressemelding sundag morgon.
-
-
– Fall gjennom ei snøbru
Den kanadiske turgåaren skal ikkje ha hamna nedi ein bresprekk, men ein sprekk mellom ein fjellknaus og ei snøfonn. Han skal ikkje ha vore utstyrt for brevandring. Det fortel Åsmund Bakke, leiar i Folgefonni breførarlag. Fleire breførarar var klare til å bistå redningsaksjonen laurdag. – Slik eg har forstått det, og ut frå området han var i, har han gått over ei snøbru mellom fast fjell og snøfenner. Det er eit stykke frå sjølve breen, seier Bakke. Han understrekar at det er trygt å ferdast på Folgefonna, så lenge ein går med breførar, eller har riktig utstyr og kjennskap til området ein ferdast i.
-
Sakna mann er heist opp
Mannen som fall ned i ein bresprekk på Folgefonna, er heist opp. Han blir sendt til Haukeland sjukehus med helikopter, opplyser politiet. Mannen er medviten, og har det etter forholda bra. Mannen er frå Canada, men ferierer i Noreg.
-
Slit med å ta seg ned i bresprekk
Ei alpin klatregruppe er i ferd med å ta seg ned i bresprekken, der ein mann fall ned laurdag ettermiddag. – Det er uvisst kor djup sprekken her. Redningsgruppa må tenka på eigen tryggleik, seier redningsleiar i HRS, Jørn Jarle Åmlid.
-
Kanadisk statsborgar er sakna
Personen, ein kanadisk statsborgar, har vore sakna i snart tre timar, etter at han har falle ned i ein bresprekk på isbreen Folgefonna. Mannen skal ha meldt frå om ulukka sjølv.