Mållaust og poengdeling i Bergen

Brann tek i mot Odd i årets første heimekamp. Kampen kan du følgje her og direkte på radio.

Daniel Braaten blir takla av Bentley

GJØRMEKAMP: Vanskelege speleforhold på Brann Stadion. Her blir Daniel Braaten takla av Odd-spelar Bentley.

Foto: Hommedal, Marit / NTB scanpix

Laster innhold, vennligst vent..

Det er venta kring 11.000 tilskodarar når eliteserien endeleg er tilbake på Brann Stadion i kveld. Etter 2–2 borte mot Strømsgodset i serieopninga førre helg, er det fleire som håpar på eit godt resultat heime mot Odd.

Kampen byrjar klokka 18.00 og du kan høyre den direkte i spelaren like under.

NRK sender alle kampane til Brann direkte denne våren, og det er reporter Per Vidar Raunholm som er på plass på stadion i kveld for å kommentera kampen for 4-4-2 Radiosporten:

Hør oppdateringer fra kampene: Brann-Odd, Lillestrøm-Bodø/Glimt og Viking-Sarpsborg 08.

– Odd er Noregs beste lag

Forventningane til nyopprykka Brann er nok meir nøkterne enn på mange år. Men godt lagarbeid, løpskraft og trykk i duellane mot Godset førre helg, viser at det bur meir i årets Brann-lag enn det mange kanskje forventa på førehand.

Brann-trenar Lars Arne Nilsen vil likevel minne fansen på kva som ventar på andre sida av midtstreken i kveld.

– Vi møter eitt av Noregs beste lag, dei er heilt klart ein av gullfavorittane, seier Nilsen til klubben sine eigne nettsider.

Nilsen, som leiar Brann i ein eliteseriekamp på Stadion for første gang i dag, har likevel ein idé om korleis raudtrøyene skal stå i mot Odd-trenar Dag-Eilev Fagermos menn.

– Vi er på heimebane og håpar på fulle tribunar no som vi er tilbake i eliteserien. Som nyopprykka treng vi all den støtta vi kan få som underdogs.

Vadim Demidov klarerer mot Odd på Brann Stadion

Forholda er ikkje dei beste på Brann Stadion. Her er det Vadim Demidov som ryddar opp etter slurv frå stoppar-kollega Acosta.

Foto: Hommedal, Marit / NTB scanpix

Huseklepp klar

Brann-angripar Erik Huseklepp var svært toneangivande i serieopninga mot Strømsgodset.

Først sørga han for den viktige reduseringa med ein flott skåring før pause, før han i andre omgang plasserte ballen på hovudet til Jakob Orlov som sette inn 2–2.

Men Huseklepp fekk seg ein smell i kneet på onsdagens trening, og måtte gjennom ein test i dag. Han har fått tommelen opp og startar kampen.

Her er startellevaren til Brann:

Leciejewski - Nouri, Demidov, Acosta, Kristiansen - Haugen, Heltne Nilsen, Barmen - Braaten, Hvilsom og Huseklepp.

Her er Brann-troppen til dagens kamp:

Alex Horwath, Piotr Leciejewski, Jonas Grønner, Vadim Demidov, Bismar Acosta, Ruben Kristiansen, Dani Hatakka, Amin Nouri, Fredrik Haugen, Remi Johansen, Sivert Heltne Nilsen, Kristoffer Barmen, Steffen Lie Skålevik, Erik Huseklepp, Azar Karadas, Deyver Vega, Mads Hvilsom og Daniel Braaten.

Brann

TILBAKE: Eliteserien er tilbake på Brann Stadion. Raudtrøyene kjempa seg til 2–2 borte mot Godset i opninga førre helg. I kveld ventar tøff motstand i form av Odd, som er ein av gullfavorittane i årets sesong.

Foto: Junge, Heiko / NTB scanpix