Det vart klart i Bergen Tingrett sundag ettermiddag.
Tingretten har komme fram til at ektemannen (32) og svigermora (59) til den sakna 22-åringen vert varetektsfengsla i høvesvis fire og to veker.
Begge får brev- og besøksforbod.
Svigerfar og svoger lauslatne
Retten vil lauslate Dung Tran Larsen sin svigerfar (62) og svoger(34).
Svigerfaren må likevel førebels sitta i varetekt fordi aktor har anka avgjerda. Det vert opp til Lagmannsretten om svigerfaren vert sleppt fri eller ikkje.
Svogeren til Dung Tran Larsen vert lauslaten fordi påtalemakta ikkje fekk medhald i påkjæringa.
Lukka dører
Dei fire vart fremstilte for varetektsfengsling laurdag sikta for forsetteleg drap. Ingen av dei har innrømt straffskuld.
Av omsyn til etterforskninga vart fengslingsmøtet i går halde bak lukka dører. Dei fire vart pågripne torsdag 23. august.
