32-åringen som er sikta for å ha drepe åtte år gamle Monika Sviglinskaja sit framleis i varetekt, men kan ikkje stille til vidare avhøyr hos politiet enda, opplyser forsvarar Fredrik Verling.
– At ein ventar på at tida skal bli klar til at han kan forklare seg er riktig. Han har stilt opp heile vegen og forklart seg i ei kvar samanheng. Men akkurat no er det ikkje hensiktsmessig, og då har det måtte vente litt. Kor tid det blir aktuelt veit eg ikkje.
Den sikta 32-åringen blei to dagar etter pågripinga innlagt til psykiatrisk observasjon ved Sandviken sjukehus i Bergen. Verling vil ikkje svare på om mannen er ute av sjukehuset.
– Det er ikkje i hans interesse at eg melder til offentlegheita til ei kvar tid kvar han oppheld seg. Så det vil eg ikkje kommentere.
LES OGSÅ:
– Framleis i varetekt
Mannen som er sikta for drapet var ein kort periode sambuar med mora til Monika, og budde i familiens sokkelleilegheita i Sund på Sotra i Hordaland. 14. november 2011, nokre veker etter at han flytta ut, blei åtteåringen funne død i leilegheita.
32-åringen har ikkje erkjent straffskuld.
– Han er framleis i varetekt, og på betringas veg. Det å bli pågripen og sikta i saka var ei stor påkjenning for han. So no handlar det om å samle litt krefter, seier Verling.
– Det er jo openbart i hans interesse at han forklarar seg. Det veit han, og ønsker det.
LES OGSÅ: