Etter ein sjansefattig 1. omgang er det Brann som leiar naboduellen på Brann Stadion. Etter halvspela første omgang fekk Fredrik Haugen ballen på 20. Han sette ballen knapt til venstre for Iven Austrbø i Viking-målet, som ikkje rakk ned til avslutninga.
Heilt fram til det 92. speleminutt såg det ut til at dei tre poenga skulle bli verande i Bergen, men slik ville ikkje Samuel Adegbenro det.
På overtid heada han inn 1–1 for Viking.
MÅLSKÅRAR: Fredrik Haugen var den avgjerande brikka då Brann gjesta Viking stadion i fjor haust. Også i dag skåra han mot siddisane, men denne gongen haldt det ikkje til tre poeng.
Foto: Hommedal, Marit / NTB scanpixSlik var kampen:
Brann-trenar Lars Arne Nilsen gir dei elleve utvalde som starta kampen mot Lillestrøm fornya tillit. Det same gjer Viking-trenar Ian Burchnall.
BRANN-FARE: Samuel Adegbenro skåra eitt og la opp til eitt då Viking slo Odd 3–0 i Stavanger. Nigerianaren kan utgjera ein risiko på Brann Stadion laurdag kveld.
Foto: Carina Johansen / NTB ScanpixTopp mot botn
Medan Brann har starta sesongen på respektabelt vis, har Viking slite med å skåra mål. Med usle tre poeng på fem kampar, er det truleg langt mellom smørblide fotballfans i oljebyen.
Det endra seg førre helg, då Viking slo tilbake med ein sterk 3–0-siger over Odd. Har Viking-trenar Ian Burchnall fått hol på byllen?
Brann har på si side to strake sigrar og kjem frå ein sterk bortesigar på Åråsen, ein arena Brann historisk sett har slite med. Med unntak av poengtapet i Tromsø i serieopninga og smellen borte mot nyopprykka Kristiansund i påskeveka, er det optimisme å spora i Bergen før kveldens opning på sjette serierunde.
SOLID: Brann varta opp med ein andre omgang frå øvste hylle då dei slo Lillestrøm 2–0 førre runde. Laurdag får bergensarane ein vestlandsnabo å bryna seg på.
Foto: Torstein Bøe / NTB scanpixHåpar på 13000 selte billettar
Det viser også att i billettsalet. Brann har eit mål om å nå 13.000 selte billettar til kveldens oppgjer. Klokka 13 i dag hadde Brann selt drygt 11.400. Med det bør det ligga til rette for eit fotballderby med temperatur på Brann Stadion i kveld.
Ein må tilbake til sesongen 2013 sist Brann slo Viking på heimebane. I fjor spelte laga 0–0, medan Viking stakk av med alle poenga då dei slo Brann 1–0 i 2014.
