Søknadsfristen til embetet som fylkesmann i Hordaland og Sogn og Fjordane gjekk ut 6. april 2017. Fylkesmannsembeta i Hordaland og Sogn og Fjordane blir slått saman frå 1. januar 2019. Dagens 17 fylkesmannembete skal frå 2019 ned i 11.
Ei kvinne og fem menn har søkt. Begge dei noverande fylkesmennene i vestlandsfylka har søkt på jobben. Det same har stortingsrepresentantane Gjermund Hagesæter (Frp) og Øyvind Halleraker (H).
Desse har søkt på embetet som fylkesmann i Hordaland og Sogn og Fjordane:
- Thorbjørn Gaarder, 61 år, Oslo. Yrke: Chief credit officer
- Lars Sponheim, 59 år, Ulvik. Yrke: Fylkesmann
- Øyvind Urheim Halleraker, 65 år, Bømlø. Yrke: Stortingsrepresentant
- Anne Karin Hamre, 51 år, Sogndal. Yrke: Fylkesmann
- Vegard Hunderi, 36 år, Oslo. Yrke: Prosjektcontroller
- Gjermund Hagesæter, 56 år, Bergen. Yrke: Stortingsrepresentant
Tidlegare statssekretær tek opp kampen
Hagesæter er fødd i Lindås og har vore innvald på Stortinget frå Hordaland sidan 2001. Frp-politikaren har i noverande stortingsperiode vore finanspolitisk talsmann for Frp si stortingsgruppe og samstundes vore gruppa sin første parlamentariske nestleiar. I 2015 vart han statssekretær i Justis- og beredskapsdepartementet, ein stilling ha hadde fram til 20. desember 2016.
Øyvind Halleraker har i likskap med Hagesæter vore innvald på Løvebakken sidan 2001. I noverande stortingsperiode er han første nestleiar i Utenriks- og forsvarskomiteen. I førre stortingsperiode var han samferdslepolitisk talsmann i Høgre, men
etter at han fekk kritikk for ikkje å ha opplyst om sine økonomiske interesser og verv i Stortinget sitt register.Halleraker kallar stillinga for ein av dei mest interessante innanfor norsk forvaltning.
– Det å få vera med å utvikla landsdelen vidare ser eg som ei kjempeutfordring og ein spanande jobb. Eg har arbeidd for å fremja landsdelen i lang tid og eg er overtydd om at landsdelen vil bli endå sterkare i eit nasjonalt perspektiv i tida som kjem, seier Halleraker til NRK.
- Les:
Framleis dragkamp
Det er enno ikkje klart kor den nye fylkesmannen skal ha hovudsete. Fylkesordførar Jenny Følling (Sp) har heile vegen vore klar på at Fylkesmannen må leggjast til Leikanger, i tråd med det fylka er samde om i intensjonsplanen for samanslåing av Hordaland og Sogn og Fjordane.
Noverande fylkesmann i Hordaland Lars Sponheim har på si side argumentert tungt med at fylkesmannen bør ha sete i Bergen.
I uttalinga han sende til regjeringa i fjor haust slår han fast at det nye og mektigere fylkesmannsembete bør samlast i Bergen og ikkje Leikanger.
– Når det gjeld fylkesmannen sitt kontor her i Bergen, så er det for oss litt opplagd. Staten må ha ein fylkesmann i landets nest største by, sa Sponheim til NRK i oktober i fjor.
- Les:
- Les: