Parkeringskaos på E16
Politiet ber bilister som har parkert langs E16, fjerne bilene sine.
-
-
Slik ser det ut på Voss
Spikartelt og campingvogner duppar i Vangsvatnet på Voss, dagen etter flaumtoppen. Sjå korleis det såg ut i 11-tida i dag. Voss kommune opplyser at flaumen toppa seg i 04-05-tida i natt, og at vatnet vil halde fram med å minke utover måndagen.
-
E16 opna
Europavegen mellom Voss og Vinje er opna att, etter å ha vore stengt sidan i går på grunn av flaum. Det er manuell dirigering på staden, fortel politiet.
-
Opo i dag
Odda kommune har ikkje lenger kriseleiing, ettersom flaumsituasjonen no er under kontroll. Etter å ha nådd flaumtoppen søndag kveld, går Opo-elva tilbake mot normalen i dag. Men vassføringa er framleis høg, slik videoen frå reporter Tale Hauso viser.
-
Ikkje kriseleiing lenger
Som følgje av at flaumsituasjonen er komme under kontroll, har Odda kommune ikkje lenger kriseleiing. Den vart sett søndag kveld, men har no opphøyrd. Folka frå NVE som i natt har overvaka Opo, reiser vidare til Voss.
