"Oster", som er båten Ivar Medaas syng om i visa "Dar kjem dampen", som Ragnvald Hammer har skrive teksten til.
Men det er lenge sidan "Oster" har sett slik ut som han gjer i songen, der det heiter at "Ved bryggja i Bergen dar ligg da ein båt, so blankpusst og fin at han lyse!"
Den gongen laga "Oster" revolusjon i samferdsla mellom Bergen og omegnskommunane i Nordhordland. Men etter mange års teneste på fjorden innhenta utviklinga gamle "Oster", og etter ulike eigarar og funksjonar var han nedsliten og gløymt av mange.
I helga var det torgdag i Bergen, og i det høvet pløgde gamledampen bølgjene igjen i Osterfjorden. Langsmed land og på kaiane stod folk og nikka gjenkjennande.