Etter fleire rundar i rettssystemet er no dommen frå Gulating lagmannsrett komen.
Dommen slår fast at Bergen kommune ikkje har noko erstatningsansvar overfor reklamegiganten Clear Channel. I tillegg må Clear Channel betala sakskostnadane til kommunen på 822 000 kroner.
Kravet frå Clear Channel var på over 5 millionar kroner etter at bystyret forkasta den planlagte reklameavtalen.
Avtalen gjekk ut på at Clear Channel skulle få tilgang til reklameplass på offentlege plassar i Bergen, mot å betala for nye buss-skur og offentlege toalett.
Bergen kommune vann også då saka var i tingretten i fjor sommar.