Avsporinga skjedde i Kaigaten, der Bybanen har endestopp ved Byparken. Her kryssar vognene trafikkerte Christies gate, og avsporinga skapte trafikale problem.
Bybanen spora nemleg av midt i krysset og hindra derfor trafikken i sentrum.
– Avsporinga er heilt udramatisk, men den står midt i krysset. Så no kjem ingen forbi i Christies gate, sa vaktkommandør Sigbjørn Villanger ved 110-sentralen Hordaland.
Ingen personar kom til skade.
Politiet dirigerer
Politiet var på plass for å dirigera trafikken. Brannvesenet var også der for å hjelpe til med å få vogna på sporet igjen.
Det er langt frå første gong at Bybanen sporar av ved endestasjonen i Bergen sentrum.
Klokka 13.10 melder brannvesenet at bybanen er tilbake på sporet att. Politiet seier vogna er trekt ut av krysset og at trafikken no flyt forbi mykje betre.
