NRK Meny
Normal

Buss sklei inn i mur – passasjerar sperra inne

Glatte vegar har ført til ei rekkje trafikkuhell.

Buss i vegg i Arna

BUSS I VEGG: Ein buss har sklidd inn i ein vegg i Ytre Arna.

Foto: Bergen Foto og media

I løpet av to timar har det vore fleire trafikkulukker i Hordaland. Det starta på Åsebøflaten på Askøy, der tre bilar sklei utfor vegen.

Ikkje lenge etter kom det melding om at ein bil hadde køyrd i fjellveggen på E39 ved Totland i Lindås kommune. Ei kvinne blei frakta til legevakt med hovudskadar.

I Ytre Arna sklei ein buss inn i ein vegg, og brannvesenet rykte ut for å hjelpe passasjerar ut av bussen.

Laster Twitter-innhold

Vogntog sperrar veg

– Det er to eller tre passasjerar i bussen. Dei er ikkje skadd, men dei kjem seg ikkje ut av bussen då dørene er sperra. Brannvesenet er på staden, og det blir no jobba med å få dei ut av bussen, fortel operasjonsleiar i Vest politidistrikt, Knut Dahl-Michelsen.

I 12.15-tida hadde passasjerane kome seg ut av bussen, som hadde blitt flytta vekk frå muren.

Like etter måtte politiet rykke vidare til Breistein i Åsane, der eit utanlandsk vogntog fekk problem på glatta.

– Bilen sperrar vegen, noko som skapar problem. Folk kjem seg mellom anna ikkje til eller frå Osterøy-ferja. Det er bestilt tungbilredning for å få bilen vekk, seier operasjonsleiar Morten Kronen i politiet.

Ingen av uhella er det meldt om alvorlege personskadar.

Politiet og Vegtrafikksentralen åtvarar mot vanskelege køyreforhold.

– Køyr forsiktig

Trafikkoperatør Idar Sangholt ved Vegtrafikksentralen, seier det er sendt ut strø- og brøytebilar fleire stader.

– Det kom eit vêromslag i morgontimane, og vi har fått melding om ein del glatte vegar.

– Kvar er det verst?

– Vi har fått meldingar om glatte vegar på Askøy, og meldingar om at det har kome ein del snø i Nordhordland og i indre strøk. Vi har kalla ut saltebilar.

Sangholt oppfordrar folk til å køyre etter forholda, og rapportere inn til Vegtrafikksentralen dersom det er noko å melda frå om.

Siste video

Feirer Den Norske Turistforening 150 år
Kei Solvang fikk inspirasjonsprisen til en verdi av 7500 kroner for sin sceneopptreden under Ungdommens musikkmesterskap.
Daniel og Jaroslav Letiagin i Brothers Duo fra Askøy