I regjeringa sitt forslag til statsbudsjett er løyvingane til Redningsselskapet redusert med 8,7 millionar kroner.
Regjeringa seier den prioriterer tryggleiken til sjøs i statsbudsjettet. Den satsar på auka løyvingar på nesten 21 millionar kroner til betre merking av snøggbåtleiene.
Godtar ikkje kutt
- Den gode beredskapen i regionen er årsaka til at nettopp skøyta på Askøy kan forsvinna, seier Amundsen. Men budsjettkutt kan han ikkje godta, og han får støtte frå leiaren i samferdslekomiteen på Stortinget, askøyværingen, Oddvar Nilsen (H).