Brann starta best og tok leiinga etter 18 minutt, då Steffen Lie Skålevik sette ein retur frå glimtkeeperen i mål.
Fem minutt før pause scora brannkaptein Vito Wormgoor på straffe.
Brann leverte ein solid fyrsteomgang, men Glimt kom sterkare att etter pause. Dei kom til fleire sjansar, men greidde aldri å setja ballen i mål.
Zoran Popovic og Vegard Leikvoll Moberg frå Glimt fekk gult kort.
Etter kampen står både Brann og Bodø/Glimt med tre poeng.
Dommar Tommy Skjerven leidde kampen, og 8447 tilskodarar hadde teke turen til Brann stadion denne kalde marskvelden.
2. april møter Brann Strømsgodset i Drammen.