Bli med på aketur i snøen

Fløibanen opna først klokka 11.00 fredag, og heile 1700 personar har tatt banen opp då klokka 17.00. Fleire personar tar framleis banen opp, då Fløibanen framleis går.

– Det er nok mange folk som tar den på grunn av været, på grunn av at det er bra skiføre. Mange har nok tatt seg ein aketur også, seier driftsteknikar på Fløibanen, Thomas Olsen.

– Det er flest personar som kjem med akebrett, og det er både vaksne og barn. Det har vore ein bra dag, og mange tar nok banen fleire gongar for dagen, seier Olsen.

• LES OGSÅ: «Det snør det snør tiddelibom»

Snø i heile fylket

Det har kome snø i store delar av fylket, og snøfallet ser ut til å sette inn igjen søndag morgon og formiddag, melder yr.no.

Både for Bergen, Fitjar, Jondal, Leirvik, Odda, Rosendal, og Sveio er det meldt snø.

Saka held fram under bileta.

SJÅ BILETE FRÅ SNØDAGEN HER:

Fleire ulykker

Snøen har gjort at det har vore glatte vegar i fylket, og det har også vore ein del trafikkulykker.

Både på Voss, på Stord, og i Sveio har det vore trafikkulykker. Det skal ikkje vera meldt om store personskadar.

• LES OGSÅ: Fleire ulykker i fylket