Fleire politipatruljar rykka ut til Handelsbanken i Conrad Mohrs veg på Minde i Bergen.
Politifolka gjennomsøkte banklokala for å sjå om det var eit ran eller ein falsk alarm. Vegen forbi banken blei sperra, men er no opna att.
– Det har gått ein ransalarm. Me har søkt gjennom bygget og ikkje funne noko. Mest truleg dreier det seg om ein teknisk feil, fortel innsatsleiar Rune Vedeler til NRK.
SPERRA VEGEN: Conrad Mohrs veg blei sperra for gjennomkøyring medan politiet undersøkte banklokala. Væpna politi held vakt ved sperringane.
Foto: Åge Algerøy / NRK