Idag måtte brannvesenet rykka ut til kjellerar som måtte pumpast på grunn av mykje regn i Bergen. Fleire andre stader i fylket skapte nedbørsmengdene trafikkkaos og stengde vegar på grunn av flaum.
Regntida er her
- Me har gått inn i den mest regntunge tida av året, smiler vakthavande meterolog ved Vêrvarslinga på vestlandet, Arnstein Tjøstheim.
Så langt i september har det komme litt over 344 millimeter nedbør.
Det er 22 % meir enn normalen i september.
Likevel er det langt frå rekordmykje regn som har komme, seier Tjøstheim som minnar om at september og oktober vanlegvis er dei mest regntunge månadane.
Så langt i dag har det komme like over 40 millimeter regn i vestlandshovudstaden.
Kulda tek over
- Me får trøysta oss med at kulden truleg erstattar regnet i dagane som kjem, seier Tjøstheim ved Vêrvarslinga, som legg til at det kan vera fare for nattefrost ut i neste veke.
For dei neste dagane er det venta fallande temperaturar, med bygevêr og sol innimellom.
Fleire detaljar om veret dei kommande dagane finn du her: