Skulen har tidlegare lagt arbeidet med denne spesialutdanninga for djupvassdykkarar på is, men no har altså styret sagt ja til ei sterk nysatsing.
50 studentar
Senter for dykkekompetanse ved Høgskulen i Bergen, som formelt sett alt er etablert etter styrevedtaket denne veka, vil ha om lag 20 tilsette og 50 studentar og elevar.
Ei handfull av elevane vil utdanna seg til klokkedykkarar, som er ei spesialutdanning for nordsjødykkarar på store djup.
Oljeselskapa var skuffa
Stortinget har vedteke at ei slik spesialutdaning skulle til Bergen, og nyleg kunne NRK melda at oljeselskapa var skuffa over at høgskulen hadde lagt planane om klokkedykkarutdanninga på is.
Byrådsleiar Monica Mæland kalla inn til eit møte sist veke for å få partane til å finna ei løysing.
Treng samarbeidspartnarar
Og no vel skulen å satsa breitt på dykkarkometanse, mellom anna for å bli sterkare på undervassteknologi.
- Høgskulen blir med dette vedtaket ein sterk aktør når det gjeld undervassteknologi, meiner høgskuledirektør Nils Mæhle.
No søkjer høgskulen igjen, saman med oljeselskapa og andre samarbeidspartar, i tillegg til staten, for å få økonomien på plass for det nyetablerte dykkarsenteret i Bergen.