Skipet "Server", som har grunnstøtt utanfor Fedje, har mellom 500 og 600 tonn bunkersolje om bord.
Morten ØIen var augevitne til grunnstøytinga.
Sikker på lekkasje
Han er overtydd om at det er lekkasje frå skipet.
- Lekkasjane kjente vi ganske fort når vi kom ut av bilane. Den sterke diesellukta gjorde at eg måtte gå frå der vi var.
Øen trur det først og fremst er bunkersolje som lek ut. Bunkersolje er olje til eiga drift, er svært tjukk og løyser seg lite opp i vatn.
- Frå min ståstad ser det ut som det er hekken på styrbord side bak som har fått den største skaden.
ØIen fortel at ambulansepersonell hadde fått beskjed om å be folk halde seg innandørs.
Diesellukta gjorde det heilt ubehageleg å vere i området.
- Eg har ho i lungane enno, seier ØIen, som nett hadde unnagjort ei legeundersøking då NRK snakka med han.
