Klokka 12.30 fekk politiet melding via AMK om ei arbeidsulukke i Sædalen i Bergen.
– Ein eldre mann har jobba med å felle eit tre då han fekk ein rot over seg, seier operasjonsleiar i politiet Frode Kolltveit.
Mann fekk behandling av ambulansepersonell på staden, og blei frakta til akuttmottaket på Haukeland sjukehus.
I ei pressemelding klokka 15.30 opplyser Helse Bergen at mannen er kritisk skadd.
Det var vitne på staden som melde frå til AMK. Politiet kan enno ikkje seie noko om årsaka til ulukka.
Mannen skal ifølgje Bergensavisen ha fått hjertestans, og blitt gjenoppliva på staden. Familien er varsla.