– Det er ungane våre og dei eldre som blir råka, seier Ap-leiar Jonas Gahr Støre.
Arbeidarpartiet i Bergen krev at regjeringa gir kommunane full kompensasjon når låg oljepris gjev nedskjeringar og dermed skattesvikt.
– Reduserte skatteinntekter vil føre til velferdskutt, seier gruppeleiar Harald Schjelderup.
For å vise alvoret har Schjelderup invitert partileiaren sin, Jonas Gahr Støre, til å sjå glansbiletet av skulekvardagen i Bergen: Den ganske nyoppussa Ny-Krohnborg skole.
– Vi liker å seie at vi har den flottaste skulen i Bergen, eller Noreg, seier rektor Jan Ove Johansen, medan han viser følgjet rundt.
I MOT TRENDEN: Den nyoppussa Ny-Krohnborg skole, er eit glansbilete på skulekvardagen i Bergen.
Foto: Leif Rune Løland- LES OGSÅ:
Mister skatteinntekter
Ap-leiar Jonas Gahr Støre har tidlegare sett problema med dei enorme vedlikehaldsmanglane på mange bergensskular.
– Vi har sett veldig mange slitne skular, til og med dei som er stengde. Det er eit kjempeløft som står att å ta her, seier Støre.
Norske kommunar, og særleg på det oljesmurte Vestlandet, mister skatteinntekter når finanskrise og låg oljepris har gitt nedskjeringar i næringslivet.
- LES OGSÅ:
- LES OGSÅ:
Grep som avlastar kommunane
KOMPENSASJON: Gruppeleiar i Arbeidarpartiet i Bergen, Harald Schjelderup, ønskjer at alle skulane i Bergen skal vere i god stand, men treng då draghjelp frå staten.
Foto: Leif Rune Løland– Mi utfordring til Erna Solberg og regjeringa er om dei vil ta eit grep i budsjettet, som avlastar kommunane noko. Vi snakkar her om ungane våre og dei eldre. Det er dei grunnleggjande velferdstilboda, som kommunane må kutte, seier Støre.
– Ser du for deg full kompensasjon i forhold til det som var budsjettert?
– Akkurat korleis det skal justerast inn i 2015, det skal ikkje eg ha ein endeleg meining om no, seier Støre.
Må få hjelp av regjeringa
Men det har gruppeleiaren for Arbeidarpartiet i bystyret.
– Då finanskrisa ramma Noreg i 2008 og 2009, så kompenserte den dåverande regjeringa alt. Det må vere utgangspunktet no òg. Vi har ein situasjon der regjeringa no er veldig diffus på om dei ønskjer å gjere noko på dette, seier Schjelderup.
– No sviktar skatteinntektene fordi det er mindre aktivitet i oljesektoren, og då må vi faktisk få det kompensert av regjeringa, legg Schjelderup til.
Finansdepartementet kunne ikkje kommentere saka i går.
