I desember fekk bebuarane i Ladegårdsgaten 80 millionar kroner i erstatning frå kommunen på grunn av store sprekkar i grunnmuren i bygården.
Kommunen anka dommen, men bebuarane meinte anka kom for seint.
Ulike syn på ankefristen
Det store stridsspørsmålet er nemleg når ankefristen eigentleg byrja å løpe: Den dagen kommunen fekk faks og e-post om dommen, eller den dagen dei fekk ei formell forkynning og underskreiv dommen.
Bebuarane meiner det første, medan kommunen meiner det andre.
LES:
Til Høgsterett
Klaga på at anka kom frå seint frå kommunen, vart avvist av lagmannretten. No har bebuarane sendt ho til Høgsterett.
- Me meiner framleis at anka kom forseint. Bebuarane og bustadselskapet ynskjer at også Høgsterett vurderer denne problemstillinga, fortel advokaten til bebuarane, Eivind Pundsnes.
Dersom bebuarane får medhold i Høgsterett om at anka kom forseint, vert erstatningdommen på 80 millionar kroner til bebuarane ståande.
- Lengre saksgang
Byrådsleiar i Bergen, Monica Mæland, seier ho forstår at bebuarane klagar.
– Det er ein rett dei har, som dei sjølve må vurdera om dei vil nytte. Det har dei valt å gjere, så det har eg stor respekt for, seier Mæland.
Likevel legg ho ikkje skjul på at dette vil gjera saksgangen lenger.
– Dette vil utsette moglegheitene for å koma til ei løysing og få løyst saka totalt sett, avsluttar byrådsleiaren.
- LES:
- LES:
SJÅ VIDEO: Vestlandsrevyen si dekning den dagen det blei klart at kommunen ville anka dommen.
