NRK Meny
Normal

Ankar dommen mot Drevland

Eksadvokat Odd Drevland vart dømd til fengsel i to år og seks månadar for grovt underslag, men aktor er ikkje nøgd med dommen.

Benedikte Høgseth

IKKJE NØGD: Konstituert statsadvokat Benedikte Høgseth ankar dommen mot tidlegare advokat Odd Drevland.

Foto: Christian Kråkenes / NRK

Statsadvokat Benedikte Høgseth bekreftar ovanfor TV 2 at påtalemakta ankar dommen mot tidlegare advokat Odd Drevland.

– Vi har skrive ei ankeerklæring som motparten har teke imot. Saka blir oversendt lagmannsretten så snart vi har fått ankeerklæringa i retur.

Det var tysdag førre veke at Drevland vart dømd til fengsel i to år og seks månadar for grovt økonomisk underslag, bedrageri og dokumentforfalsking.

Meiner dommen er for låg

Odd Drevland

DØMD: Tidlegare advokat Odd Drevland, her i rettssalen ved ei anna anledning.

Foto: Johansen, Rune / SCANPIX

Eitt år av straffa vart gjort på vilkår. Høgseth seier dei ankar fordi dei meiner den konkrete straffeutmålinga som retten har lagt seg på er for låg.

– Vi meiner i tillegg at det ikkje er grunnlag for ein vilkårsbunden reaksjon, forklarer statsadvokaten til TV 2.

Då Høgseth la fram sin sluttprosedyre i rettssaka, bad ho om tre års fengsel. Ho la vekt på at Drevland ikkje burde få strafferabatt for å ha innrømma skuld, fordi den kom «lovleg seint».

Underslag på 2,9 millionar kroner

Drevland vart dømd for tre tilfelle av grove økonomiske underslag på totalt 2,9 millionar kroner. I rettssaka gav han uttrykk for at han ville legge saka bak seg.

– No må eg sette ein sluttstrek. Det inneber at eg erkjenne straffskuld etter heile tiltalen. Eg må kome meg vidare, sa Drevland i retten.

Men no kan det altså bli ein ny runde i retten for Drevland. Forsvarar Per Magne Kristiansen seier til TV 2 dei har tatt anka til etterretning og at dei ventar på avgjerda frå lagmannsretten.

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo