NRK Meny
Normal

Summerte opp andre verdskrig på 200 minutt

Fekk du ikkje med deg Frank Aarebrot summere opp andre verdskrig på 200 minutt torsdag kveld? Her kan du sjå heile historiekvelden igjen!

Studentersamfunnet i Bergen og NRK inviterer igjen til forrykende forelesning fra Kvarteret i Bergen. Den aldri hvilende og alltid frittalende professor, kommentator, demokratiforsker og statsviter Frank Aarebrot byr på en ny historiekveld. Denne gangen er temaet krig. Dette skjer på 75-årsdagen for krigsutbruddet i Norge.

200 MINUTT DEL 1: Professor Frank Aarebrot summerer opp andre verdskrig på 200 minutt.

I fjor heldt den populære og fritalande professor og demokratiforskar Frank Aarebrot sitt livs forelesing med 200 år med norsk historie på 200 minutt. På 75 års dagen for krigsutbrotet i Noreg tok han nok ein gong plass i stolen på Det Akademiske Kvarter i Bergen.

Frank Aarebrot foredrag

UTAN MANUS: Frank Aarebrot stilte utan manus til det 200 minuttars lange foredraget torsdag kveld.

Foto: Heine Aarbø

Torsdag kunne du høyre Frank Aarebrot forelese om andre verdskrig på 200 minutt, direkte på NRK2.

SJÅ «KRIG PÅ 200 MINUTT – DEL 2» HER

Aarebrot trakk linjer til både før og etter perioden mellom 1940 og 1945, med krigen i Noreg som ein raud tråd.

– Sist eg brukte manus var i 1968. Men det betyr jo ikkje at eg ikkje er førebudd, sa Aarebrot før kveldens 200 minuttars lange forelesing.

– Nordmenn blir ikkje ferdige med krigen

Den andre verdskrig er viktig både for dei som opplevde krigen og for dei som berre har høyrt historiene, meiner Aarebrot, som sjølv ikkje har opplevd krigen, men som har høyrt forteljingane frå han var liten.

Norske soldater i Bergen 9. april 1940

BERGEN: Norske soldatar i Bergen 9. april 1940.

Foto: Universitetsbiblioteket i Bergen, Billedsamlingen

– Me blir på ein måte ikkje ferdig med krigen, den er veldig sterkt framme hos oss, seier Aarebrot.

– Eit av mine tidlegaste barndomsminner er frå tidleg på 50 talet, eg var vel ein 4–5 år, då husets menn sat i stova og diskuterte om Hitler var gal eller berre vond. Då kom farmor Gunnhild ut av kjøkenet, ho stilte seg i døra og tørka hendene på forkledet, og så kom det: «Det er det eg alltid har sagt, han skulle vore tilsnakka.» Eg var jo ein liten gut og såg for meg korleis ein lidande Hitler blei utsett for kjeft frå farmor, det måtte jo vere heilt forferdeleg.

Tyske soldater marsjerer over Fisketorget

1940: Tyske soldatar marsjerer inn i Bergen over Fisketorget.

Foto: Universitetsbiblioteket i Bergen, Billedsamlingen

– Viktig krigshistorie å få med seg

Noreg blei invadert av Tyskland under deira «Operasjon Weserübung» den 9. april 1940. Forteljingane om det som skjedde den dagen er dramatiske historier, seier Aarebrot.

– Det er skrive ufattelege mengder dokumentasjon om krigen. Det skjedde dramatiske hendingar over heile landet i nesten kvar avkrok av Noreg, som blei dokumentert. Dette er krigshistorie som er viktig å få med seg.

Siste video

Programleder: Mariann Reikerås
Se forskerne undersøke hvalen
Det aller første julemarkedet i Bergen er en suksess. Den første uken det har vært åpent har tusenvis av mennesker vært innom.