Etter berre eit halvt års tid som fylkesmann i Hordaland har tidlegare Venstre-leiar Lars Sponheim erta på seg mange lokalpolitikarar.
– For mykje politikar
Fleire kritikarar meiner han ikkje har lagt vekk politikar-rolla og at han blandar seg altfor mykje inn i lokale saker.
Ein av kritikarane er ordførar Knut Hanselmann (Frp) i Askøy kommune. Han meiner Sponheim har gripe for mykje inn i arbeidet med ein reguleringsplan på Askøy.
– Her er det litt mykje «King Kong», seier Hanselmann.
Hanselmann seier Sponheim overprøver det lokale sjølvstyret.
– Eg har stor respekt for det lokale sjølvstyret, og det trudde eg han som venstrepolitikar også hadde, seier Hanselmann.
– Sjokkerte etter parkeringsutspel
Bergen Næringsråd og fleire sentrale politikarar i Bergen kom med skarp kritikk mot Sponheim då han i haust ville
– Våre medlemmar er sjokkerte og vantru over parkeringsutspelet, seier leiar i Bergen Næringsråd Marit Warncke.
Næringsrådet fryktar det blir vanskeleg å få til satsing i Bergen viss Sponheim får det som han vil.
Lars Sponheim ville tidlegare ikkje kommentera saka. Men no seier han til NRK at han berre gjer jobben slik jobben skal gjerast.
– Det eg seier og gjer er berre embetsoppdraget mitt, seier Sponheim.
Sponheim har blant anna engasjert seg i debatten om luftforureining i Bergen: Sjå video:
Kva meiner du? Blandar Sponheim seg for mykje inn i lokale saker, eller gjer han berre jobben sin som forlenga arm for staten?