Fredag kom dei første lakseegga på plass i Marine Harvest sitt nye smoltanlegg i Fjæra i Etne kommune. Dermed har bygda med berre seks innbyggjarar fått 3,5 millionar nye individ.
Smoltanlegget inst i Åkrafjorden er eit av dei største i Noreg, og anlegget er den fyrste næringsetableringa på mange tiår i bygda.
– Tidlegare var Fjæra prega av fråflytting, seier Lars Håkon Sandvold. Han er driftsleiar i Marine Harvest Fjæra.
– Her var lite ungdommar som slo seg til. Så kjem det eit gigantanlegg som dette inn. Det gjer arbeidsplassar og investeringar, seier Sandvold.
- Les òg:
Anlegget skal det produserast smolt til selskapet sine sjøanlegg i Hordaland, Rogaland og Agder.
14 personar arbeidar no på anlegget, som framleis ikkje er ferdigstilt. Byggearbeidet går føre seg enno, og anlegget vil bli tatt fult i bruk i løpet av vinteren.
– Moglegheiter for framtida
Klekkeriet har kapasitet til 7,5 millionar smolt, og vil auke produksjonen gradvis.
Egga som vart sett inn fredag skal no klekkast og veks til smolt før dei vert sett ut i sjøen i august neste år.
Dette er det mest moderne settefiskanlegget i landet.
– Me kjøper mykje tenester, så det gjer moglegheiter for mange i framtida, seier Sandvold.