Saman med kommunane rundt kjempa han for å halda fram fibersatsinga. Men i 2009 bremsa Byrådet i Bergen og Statkraft likevel BKK si satsing. Dette trass i at dei 16 eigarkommunane rundt Bergen og leiinga i BKK alle ville halde fram med å bygga fibernett til privatkundar.
– Det var kortsiktig utbytegevinst som var i fokus for dei som pressa sterkast på for å få stogga den utbygginga, seier Matre.
- LES OGSÅ:
– Ikkje urimeleg utbyte
I går fortalde NRK at Rogalandsbaserte Lyse lovar god avkasting til sine eigarkommunar etter å ha bygd ut det beste fibertilbodet i landet.
Frå og med 2009 har eigarane tatt ut 5,5 milliardar i utbyte frå BKK. Halvparten har gått ut av Hordaland til Statkraft, som er den største eigaren av BKK. I same periode har Lyse sine eigarar henta ut 1,7 milliardar, men samstundes bygd fibernett i stor skala.
Noverande styreleiar i BKK, Oddvar Nilsen (H), meiner det ikkje er urimeleg at BKK-eigarane har prioritert utbyte.
– Desse eigarane har plassert betydelege verdiar i BKK og sjølv har dei krav på ei viss avkasting. Desse pengane går inn i kommunekassen og går til sjukeheimsplassar, barnehagar og skule, som er høgst prisverdige føremål, seier Nilsen.
- LES OGSÅ:
Vil ikkje subsidiere fibernett i distrikta
At små og store eigarkommunar har ulike interesser, er naturleg, meiner finansbyråd i Bergen, Liv Røssland (Frp).
- LES OGSÅ:
– Det er forskjell på å eksponere seg for risiko når ein eig 37,75 prosent av eit selskap, og det å eige under ein prosent. At vi skulle subsidiere ei fiberutbygging i distrikta ser eg ingen grunn til, seier byråden.
– Ville gitt avkasting
Men den tidlegare ordføraren i Masfjorden meiner òg Bergen ville ha tent på vidare utbygging.
– Eg var overbevist om det den gongen, om ein berre såg langt nok. Det har ein vel sett døme på andre stader, seier Matre.
– Skal ein byggje ut i distrikta så er det nesten berre lokale kraftselskap som er i stand til å gjere det på ein måte som kan gi økonomi.