Siste nytt
-
Årets heiderspris til Dag Bjørndal under Gullparaplyen
Dag Bjørndal fekk årets heiderspris under journalistprisutdelinga Gullparaplyen 2024 i Bergen. Bjørndal er nyleg pensjonert frå BA, og får altså heiderspris. – Gratulerer, skriv arrangør av prisutdelinga, Norsk Journalistlag Bergen, på Facebook.
Foto: Silje Rognsvåg / NRK -
Sjå Vestlandsrevyen 19.30
For 15 år sidan mista over 300 jobben på felgfabrikken Fundo i Høyanger. I dag, i dei same lokala, opna Hydro eit nytt resirkuleringsanlegg.
-
Mann til sjenanse i Leirvik sentrum på Stord
Fredag kveld fekk politiet melding om ein mann som var til sjenanse i Leirvik sentrum på Stord. Politiet rykka ut og fikk kontakt med mannen. Mannen som er i 30-år blei vist vekk frå sentrum til laurdag klokka 17.40 og blei følgt heim av patruljen.
-
Ulykke mellom MC og buss i Bergen
Det har vore ei ulykke mellom ein motorsykkel og ein buss i Nygårdstunnellen i retning Bergen sentrum. Naudetatane er på veg. MC-førar er medviten og oppegåande.
-
Trude Storheim gir seg som sjef for Vossa Jazz
Trude Storheim har delt på si private Facebookside at ho gir seg som leiar for Vossa Jazz. Storheim har vore sjef for festivalen sidan 2007, men har hatt permisjon for å jobbe som kommunalsjef for kultur og fritid på Voss. – Det er ei tid for alt. No er dagen komen for mi avgjerd om å slutta som sjef for Vossa Jazz, skriv Storheim. Vikariatet som Storheim har gått i, går ut i august, og då har ho prosjekt på gang, men er også open for nye utfordringar, seier ho til NRK.
Foto: Jan Børge Leirvik / Jan Børge Leirvik/NRK
