80 deltok i søk i ti minusgrader
19-åringen som i natt blei funnen utandørs på Stord, hadde vore sakna i minst 5 timar då leitemannskap fann han kl 00.50. Tenåringen var ifølge Stord-lensmann Roald Raunholm kraftig nedkjølt og iført tynne klede då han blei funnen. Ifølge politiet var det -10 grader. – Slike oppdrag er kritiske. Ved slike temperaturar gjeld det å finna personen raskt, seier Raunholm. Over 80 frivillige deltok i søket, i tillegg til fleire politipatruljar frå Stord og Haugesund. Tilstanden til mannen er ukjend.