Grunnen under Bryggen er ustabil og må sikrast.
Foto: Geir Rommetveit / NRKNo får Bryggen 45 millionar kroner til å stabilisera grunnen under dei historiske bygningane.
– Er i ferd med å rasa ut
Det blei klart då miljøminister Erik Solheim besøkte Bryggen i dag tidleg. Pengane skal løyvast i revidert nasjonalbudsjett, som blir lagt fram seinare i dag.
– Bergen er kanskje Norges viktigaste historiske sentrum. Dette må vi ta vare på. Det er i ferd med å rasa ut på grunn av grunnvannslekkasje under Bryggen, seier miljøminister Erik Solheim til NRK.
Arbeidet skal ifølgje Solheim starta i sommar, og skal vera ferdig i 2012.
– Vedlikehald blir ofte ikkje verdsett. Eg er stolt av å vedlikeholda Bryggen, seier Solheim.
Gler seg over million-gåve
Lasse Bjørkhaug, direktør for Stiftelsen Bryggen, er gledeleg overraska over at pengane til sikringsarbeidet kjem allereie no.
– Vi trudde det kunne koma til å gå fleire år, og synest dette er heilt fantastisk, seier Bjørkhaug.