Rundt 200 personar møtte opp for å få med seg målinga av Pepperkakebyen i Bergen fredag. For å sikra at alt gjekk riktig føre seg hjelpte politiet til med målinga.
– Bergen blei målt til verdas største også i år, seier Steinar Kristoffersen, sjef for Pepperkakebyen i Bergen.
Rekorden kunne dermed noterast ned og politibetjentane Knut Iversen og Stein Bjørn Losnegård og juryemedlemmene kunne signera i protokollen.
20 fleire byggverk
Ei oppteljing viste at Pepperkakebyen i år er 350 kvadratmeter, noko som er ti kvardratmeter større enn i fjor.
Byen består i år av 1650 byggverk laga av peparkakedeig, mot 1630 byggverk i fjor. Det har vore 1380 bidragsytarar til årets peparkakeby, og både familiar, barnehagar og bedrifter har stilt opp med peparkake-byggverk.
Stor mobilisering i 20009
– Blir Pepperkakebyen alltid større enn han var året før?
– Ikkje alltid, men det skjer veldig ofte. I 2009 fekk me veldig mange bidrag, og årsaka til det var den , forklarer Kristoffersen.
LES OGSÅ:
Utdeling av ti prisar
Då det var slått fast at Pepperkakebyen i Bergen er den største var det tid for prisutdeling til bidragsytarar. 10 prisar blei delte ut for alt frå barnehagebidrag til Nansen-bidrag.
– Alle vinnarane var til stades og mottok prisen sin, og alle var veldig glade, smiler Steinar Kristoffersen.
