No er det klart kor lange ventelister det er på vidaregåande skular rundt om i landet.
Av i alt 191.930 søkarar har vel ni av ti fått tilbod om plass. Men mange står framleis på venteliste.
Tala er basert på førsteinntaket som alle fylkeskommunane gjennomførte innan 15. juli.
- LES OGSÅ:
– Det er nok slik at dei største fylka har større ventelister enn dei mindre etter første opptak, fordi dei mindre fylka har færre skular og elevar, seier inntaksleiar i Hordaland fylkeskommune, Nils Skavhellen.
Ein annan grunn er at det i større byar er nokon som vel å ikkje gå på offentlege skular.
– Ein del søkarar har også søkt plass på private vidaregåande skular. Dei takkar gjerne ja til dei plassane, og vil ikkje stå på våre ventelister på neste opptak. Dette vil då frigjera plassar til andre.
– Alle får plass
– Ingen med rett til vidaregåande opplæring skal stå utan tilbod ved skulestart. Men om dei får eit tilbod som dei ønskjer, er ikkje sikkert, seier rådgjevar i utdanningsdirektoratet Kjetil Gunnerud Kristoffersen.
Nils Skavhellen seier det er nok skuleplassar.
– Om ein berre ser på tala så er det ganske mange ledige plassar i Hordaland. Men det samsvarar ikkje med det ungdommane søker seg til.
- LES OGSÅ:
Følger trenden i høgare utdanning
Også ved dei vidaregåande skulane er det oppgang i helsefag og nedgang i oljerelaterte studieretningar, som teknikk og industriell produksjon og medium og kommunikasjon.
- LES OGSÅ:
– Det er fleire som søker seg til helse- og omsorg og idrettsfag, og færre til industrifag. Det er mogleg at ungdommen plukkar opp svingingar i arbeidsmarknaden og at ønska vert påverka av dette, seier Gunnerud Kristoffersen.
- LES OGSÅ:
Det er mange som står på venteliste for å begynna på helse- og omsorgsfaget. 1 650 ventar no på plass. Det er 200 fleire enn i fjor.