Mistenkt for ruskøyring etter krasj
Ein mann i 30-åra er mistenkt for køyring i alkoholpåverka tilstand, etter at ein bil trefte fjellveggen ved Kvalheim på Radøy måndag ettermiddag. Då naudetatane kom til staden var føraren forsvunnen. – Vi fann til slutt mannen ikkje langt frå bilen. Han vert no send til lege for blodprøve, seier operasjonsleiar Arve Samsonsen i politiet.