- Me gjer jo ikkje dette for å gjere stygge inngrep i naturen. Me gjer det fordi me treng betre straumtilgang til Bergensområdet om Midt-Noreg, seier fylkesleiar i Vestfolk Ap, Sonja Mandt.
2. juli kom den endelige avgjersla om at den omstridde kraftlina frå Sima til Samnanger skal byggjast.
Les òg:
Les òg:
Les òg:
Fryktar ikkje veljarflukt
NRK har gjort ein ringerunde til fylkesleiarane i Arbeiderpartiet. Dei fjorten leiarane NRK har fått kontakt med stiller seg bak vedtaket til regjeringa.
Dei meiner veljarane ikkje vil straffe partiet når dei går til urnene i 2011.
- Eg trur saka hadde vore mykje vanskelegare dersom me ikkje hadde kome til ei løysing, og dersom heile Bergen hadde blitt mørklagt, seier nestleiar Tove Lise Torve i Møre og Romsdal Ap.
- Naivt
Valforskar Frank Aarebrot meiner det er naivt å tru at veljarane har gløymt saka om eitt år.
- I dette høvet ville eg ikkje tatt sjansen på det. Eg trur regjeringa hadde gjort lurt i å sjå på Hardanger-saka ein gong til, og å kanskje revurdere saka. Fjellvettregelen ”Det er ingen skam å snu” gjeld her. I denne saka trur eg derimot det er veldig smart å snu.
Fylkesleiar, Sveinung Valle, i Hordaland innrømmer at partiet må jobbe hardt for å halde på veljarane.
- Arbeiderpartifolk i Hordaland og i andre fylker vil nok leggja seg i selen no og gjera desse spådomane til skamme. Me vil gjera vårt beste for å få det til, seier han.