Hopp til innhold

- Skal ikkje surra vekk pengane

Byrådsleiar Monica Mæland i Bergen lovar at millionane frå regjeringa skal få bein å gå på. For prosjekta står i kø i Årstad bydel.

Monica Mæland
Foto: Aas, Erlend / SCANPIX

- Først av alt skal vi bestemme kven som skal få tilbod om gratis tid i barnehagen, som er ein del av løyvinga frå staten til 400 barn i Årstad.

Vidare seier Mæland at dei har kontakta Husbanen, for å sjå på ulike prosjekt saman med dei.

Har hastverk

Det var søndag ettermiddag at regjeringa slo til, og røpte at 7,6 millionar kroner ligg klare til styrking av Årstad bydel i bergen når statsbudsjettet blir presentert tysdag.

- Vi er allerede i gong og har fleire ting på trappene - men at staten no blir med og brukar pengar saman med oss, er vi sjølvsagt glade for.

Så gjenstår det å sjå korleis innbyggjarane i bydelen vil merka pengedrysset.