Det skriv avisa Glåmdalen.
– Vinnarutkastet til den nye kyrkja i Våler er påfallande likt Hatlehol kirke i Ålesund som vi har teikna, seier arkitekt Dan Cornelius i arkitektfirmaet Cornelius + Vöge i Roskilde i Danmark.
Vil ha unikt kyrkjebygg på Sunnmøre
Tysdag fekk dei danske arkitektane sjå bilete av kyrkjebygget som arkitekt Espen Surnevik har laga.
– Vi vart overraska over kor likt det var vårt eige kyrkjeprosjekt i Ålesund, seier Cornelius.
Kva meiner du? Kommenter nedst i saka!
Cornelius seier at ingen arkitektoniske bygg er hundre prosent ulike:
– Det vil alltid vere likskapar i større eller mindre grad, og vi har stor respekt for Surneviks prosjekt. Men vi synest jo likskapane er vel store.
Han har difor no vore i kontakt med det danske arkitektforbundet Danske Ark og bransjeforeininga sine eigne advokatar, og han vil no reagere overfor Surnevik og kirkeleg fellesråd i Våler som er byggherre.
– Vi har ein byggherre i Ålesund som ikkje vil bli særleg glad for at det blir bygd ei så lik kirke i Våler.
– Ikkje kjennskap
Surnevik på si side nektar for at han har kjennskap til kyrkjeprosjektet i Ålesund:
– Eg kjenner verken til arkitekten eller kyrkja hans, seier han.
Cornelius meiner mellom anna at tårnprofil og bruk av overlys i Surneviks kyrkjeprosjekt liknar mistenkjeleg på Hatlehol kirke som han har teikna.
– Mykje av forma er jo gitt på førehand. Det er planløysinga som i stor grad bestemmer utforminga, svarer Surnevik.
– Vil reagere
Arkitekten bak vinnarutkastet til den nye kyrkja i Våler er forbausa over insinuasjonane frå sin kollega i Danmark om at han skal ha henta idear frå prosjektet i Ålesund.
I Danmark skal arkitektfirmaet Cornelius + Vöge no drøfte problemet med byggherren i Ålesund og sine juristar:
– Deretter vil vi vite nøyaktig korleis vi skal reagere, seier Cornelius.