Pengane frå årets TV-aksjon går til Blå Kors sine prosjekt retta mot barn og unge som er råka av foreldras rusmisbruk.
- Ta vel imot bøsseberarane, er oppfordringa frå aksjonsleiar Wiggo Slåttsveen i Oppland.
- Spent
Det offisielle startskotet for aksjonen i Oppland er klokka 16 i dag, men mange har tjuvstarta og er godt i gang med innsamlinga.
- Vi er spent på kor mykje som vil kome inn. Vi håpar å kome i nærleiken av fjorårets resultat, da det vart samla inn ni millionar kroner berre her i Oppland, seier Slåttsveen.
Han oppfordrar alle til å løpe ut i minibanken og ta ut pengar, men det finst også råd for dei som ikkje har kontantane tilgjengeleg.
- Det går an å gje over internett eller telefon også, seier ein spent aksjonsleiar.
Bøssene blir gjort klare til innsamling på Frydenlund skole i Elverum.
Foto: Anne Kari Løberg / NRK
