Det er tørt i mange skogsområde, og Meterologisk institutt varslar om stor skogbrannfare i Hedmark og Oppland.
Varselet slo til fredag med fleire skogbrannar i Hedmark.
Lynnedslag
Fredag kveld vart det meldt om skogbrann på Drevsjø ved 20-tida, litt seinare vart det meldt om brannar på Knapper i Nord-Odal og i Tufsingsdal i Os.
I alt var det seks skogbrannar i Hedmark fredag. I følgje politiet skuldast alle lynnedslag. Ingen av brannane førte til store skader, og alle vart raskt sløkt.
Høg skogbrannindeks
I Oppland er det også meldt om stor skogbrannfare, og i Østre Toten er det høge skogbrannindeksar for helga.
- Trass i at Østre Toten har mange grøne skogsområde, må folk vera forsiktige med ope eld, spesielt i hogstfelt og sørvendte område, seier befalsvakt i brannvesenet i Østre Toten, Gustav Gaarder.