I Oppland og Hedmark strøymer nå pengane inn til dei store hjelpeorganisasjonane. Både Røde kors, Kirkens nødhjelp, Leger uten grenser og Forut har oppretta eigne kontoar folk kan overføre sine bidrag til.
I tillegg blir det sett ut bøsser både i kjøpesenter og fyrverkeriutsal og det blir eigne bøsseberarar fleire stader.
- Sløyf rakettane
Forutan privatpersonar gir nå både kommunar, bedrifter, lag og organisasjonar pengar til dei flomramma.
For eksempel gir Jevnaker og Hamar kommunar 1 krone per innbyggjar, og oppfordrar andre kommunar til å gjera det same.
Hamarordførar Einar Busterud oppfordrar dessutan folk til å sløyfe nyttårsrakettane og heller sende pengane til dei flomramma.
Innsamling i Austlandsområdet
Dei politiske partia i Sel gir 1000 kroner kvar og ber andre lokalparti om å gjera det same. Ihle pensjonistforening i Vestre Toten gir 10 kroner per medlem og ber andre foreningar om å følgje deira eksempel.
Hjelpeorganisasjonen Forut i Gjøvik har drive hjelpearbeid i Sri Lanka i over 20 år og har over 100 medarbeidarar der som alt er i gang med å hjelpe dei som er verst ramma.
- Det trengs utrolig mye assistanse særlig nå i den første fasen, seier informasjonsleiar Ellen Bjølseth i Forut.
Og organisasjonen har nå oppretta ein eigen givartelefon i tillegg til å ha sett i gang ein innsamlingaksjon blant bedrifter i heile Austlandsområdet.