Smuglarbilar kan vera livsfarlege

Med politifolk som skulle klarere grensa om natta, natt til torsdag, så oppdaga dei det dei trudde var ein såkalla forbil. Då politiet køyrte bort til svenskegrensa oppdaga dei ein bil med trøbbel.

– Då me kjem bort dit, så står det ein kassebil eller transporterbil 70 meter inn på norsk side på ein grusveg sørvest for Eda, og der har styrestonga eller forstillinga roke, seier Morten Nystuen som er kontorsjef ved tollvesenet i Kongsvinger.

Han fortel at det eine staget stod nedi bakken, og det var ingen i sjåfør i bilen.

– Det gjekk ikkje an å køyre, og i bagasjerommet fann me 2566 liter øl, fortel han.

Lastar farleg tungt

Bilen stod stille, og blålys var det ikkje bruk for. Nystuen påpeikar at det å laste bilane så tungt som mange smuglarar gjer er farleg.

• Les òg: Mann pågrepet etter dødskrasj

– Dette er bilar som køyrer på norske vegar, og det er viktig at tollvesenet gjer ein jobb og får tatt desse, seier Nystuen.

– Bilen tolte ikkje vekta av ølen, og det var heldigvis ingen andre i nærleiken når dette skjedde, og slik det er her skulle bilen nesten aldri vore på vegen, legg han til.

– Mange av desse bilane som vert brukte er trafikkfarlege, rett og slett, seier Nystuen til slutt.