Kristoffer Sannvoll frå Åsnes skaut 246 poeng, og får med det skive 5 når dei beste skyttarane i landet samlast i Kongelaget klokka 17.30 torsdag ettermiddag.
– Eg var sliten etter femteskotet, men klarte å halde fokus. Det var eit skot som small dårleg, men eg er tilfreds med dette, sa Sannvoll til NRK like etter at han var ferdig med sin serie.
Sannvoll vart tidenes yngste skyttarkonge da han vann som 18-åringen i 2002. Til ostlendingen.no seier han at det truleg vil bli vanskeleg å kjempe om kongetittelen i år, men at han har håp om å kunne kjempe om å bli skyttarprins.
Skreiv skyttarhistorie
Men det var ein annan skyttar som skapte overskriftene. Knut Jørgen Brodahl frå Fana vart den andre i historia som har skote 249 poeng under Landsskytterstevnet.
Han ligg dermed på skive 1 når skyttarkongen skal kårast i morgon.