Vest-Oppland politidistrikt leiter nå etter ein svært rusa person i Gjøvik sentrum.
Pratar engelsk
Sidan klokka 2 i natt har mannen stole tre bilar i Kolbu, Bøverbru og Gjøvik, der han har vraka to av dei. Han heldt på å frontkollidere fleire gonger, og politiet seier han er livsfarleg bak rattet.
Mannen som talar engelsk, og har aust-europeisk utsjånad, har nå truleg stukke av på sykkel, og politiet har fire patruljer og ein hund ute i Gjøvik sentrum for å finne mannen.
- Farleg
Mannen stal fyrst ein bil på Kolbu som han kjørte av vegen med og vraka. Deretter stal han ein bil på Bøverbru som han heldt på å fronkollidere med fleire gonger. Han kjørte av vegen med denne også.
Til slutt stal han ein bil som han har kjørt rundt i i Gjøvik. Eigaren av denne bilen fann han i sentrum, og fekk snakka med mannen før han stakk av att.
Nå har han truleg stukke av på sykkel. Vitne seier mannen verka rusa, og politiet seier han er farleg.