NRK Meny
Normal

Meld frå om du finn døde trekkfuglar

No kjem trekkfuglane heim og dei kan ha med seg fugleinfluensa frå Sentral-Europa.

Brunnakke (hann) på Kyvannet

NO KJEM DEI: Fuglane som har vore på sydenferie i vinter kjem heim igjen, og kanskje har dei med seg sjukdommar. Mattilsynet treng hjelp til å avdekke dette. (ARKIVFOTO.)

Foto: Vigdis Veie Rosvoll

– Fleire stader i Europa er det påvist fugleinfluensa gjennom vinteren, seier beredskapskoordinator, Harald Øverby i Mattilsynet.

No ber mattilsynet om at dei som finn døde fuglar melder frå slik at ein får avdekka om fuglane har med seg sjukdommar heim igjen etter vinteropphaldet i sørlegare strøk. Det er oppdaga influensasjuke fuglar i både Danmark, Sverige og Finland og det kan også komme til oss.

Hald fuglane innandørs

Fugleinfluensaen som er avdekka i vinter er ein virussjukdom som er i slekt med den sjukdommen som folk kan bli smitta av. Denne influensaen vil ikkje smitte menneske, men ein bør passe godt på tamfuglane sine.

Mattilsynet klar for fugleinfluensa

SJEKKAR: Mattilsynet Region Øst sin beredsskapskoordinator, Harald Øverby fortel at alle dei lokale kontora no blir utstyrt til å kunne avdekke eventuelle sjukdommar hos fuglane.

Foto: Per Magunussen / NRK

– Hald hønene inne eller slik at dei ikkje kjem i kontakt med villfuglar. Vi veit ikkje om vi har fått eller vil få sjukdommar, men det er det vi ønsker å avdekke, seier Øverby.

Øverby seier det ein spesielt bør halde auga oppe for er døde eller sjuke ender, gjæser eller måker. Spesielt om det er fleire døde fuglar som ein ikkje veit dødsårsaka til. Det lokale mattilsynet blir i desse dagar utstyrt med prøvetakingsutstyr slik at dei kan sjekke fuglane for sjukdommar.

– Småfuglane på fuglebrettet er vi ikkje så interessert i, for dei fleste av dei har vore her over vinteren, seier han.

SISTE NYTT FRA HEDMARK OG OPPLAND

  • Holder igjen penger til skoleløft

    Hedmark fylkeskommune holder igjen 73 millioner til oppgradering av Skarnes videregående skole. Grunnen er at kommunepolitikerne vil ut av Innlandet og inn i nye Viken, bekrefter Aasa Gjestvang, fylkesråd for videregående opplæring til Glåmdalen.

    Skarnes videregående skole
    Foto: Ann Kristin Mo
  • Mye snø gir økte byggekostnader

    Rydding av snø gir merarbeid og økte kostnader for en rekke byggeprosjekter. Bare på en byggeplass i Lillehammer har Veidekke AS hatt en merkostnad på rundt 600.000 kroner på grunn av snøen som må ryddes vekk. Det skriver GD.

  • Det blir Innlandet Venstre

    Venstre i Hedmark og Oppland slår seg sammen. Det blir Innlandet Venstre fra 1. januar 2020. Vedtaket ble gjort enstemmig på årsmøtene til de to fylkespartiene.