Krev to og eit halvt års fengsel

Aktor Ketil Myhre krev to og eit halvt års fengsel for overgrepstiltalt hadelending.

Rettsak Hadeland

Frå venstre: bistandsadvokat Hege Salomon, aktor/konst. statsadvokat Ketil Myhre, tiltaltes forsvarar Mette Yvonne Larsen.

Foto: Anne Marie Hvattum / NRK

Mannen i 30-åra er tiltalt for seksuelle overgrep mot to mindreårige jenter. Overgrepa mot den eina skal ha foregått over ei lengre periode.

Under si prosedyre i dag kravde aktor Ketil Myhre to og eit halvt års fengsel, men foreslo at eitt år blir gjort betinga på grunn av lang saksbehandlingstid.

Myhre sa at han normalt ville ha lagt ned påstand om fem års fengsel i ei slik sak. Han meinte likevel at mannens tilståing og politiets lange saksbehandlingstid måtte virke formildande.

Strafferamma for tiltala er på 21 års fengsel medan minstestraffa er på to år.