NRK Meny
Normal

Julekuler rett frå skrivaren

No kan du snart skrive ut dine eigne julekuler, i allefall om du har ein 3D skrivar. Designduoen Anderssen og Voll har brukt ny teknologi for å lage årets julepynt på Maihaugen.

Torbjørn Anderssen pyntar juletret på Maihaugen med 3D printa julekuler

JULEKULE: Julepynten i på det tradisjonsrike juletreet på Maihaugen er 3D printa julekuler laga av gips. VIDEO: ARNE SØRENES/NRK

Juletreet i foajeen på Lillehammer Museum, Maihaugen, har blitt ein tradisjon. For niande året på rad har museet invitert norske designarar til å lage ny pynt til treet. I år er det designduoen Anderssen og Voll som tar opp tråden etter folk som Arne og Carlos, Pia Myrvold og Per Spook.

– Ei stor ære

Torbjørn Anderssen, opprinneleg frå Biristrand, synest det er stor stas å få pynte juletreet. Han har samarbeidd med Espen Voll sidan dei etablerte det suksessrike designfellesskapet Norway Says i 1999.

– Det er ei stor ære for oss å få lov til å vere med å skape og pynte noko som er viktig her på Lillehammer. Det synest vi er artig.

3D printa julekuler

DESIGNAREN: Torbjørn Anderssen pyntar juletreet på Maihaugen med 3D-printa julekuler av gips.

Foto: arne sørenes / nrk

3D-printa julekuler

Julekulene er designa i eit dataprogram, lagra som ei datafil, og skrivne ut på ein såkalla 3D-skrivar. Materialet er gips og bindemiddel.

Anderssen er begeistra for mogleghetane den nye 3D-teknologien opnar for:

– Ein kan printe i mange ulike materiale, alt i frå sjokoladepulver om ein er konditor, til bildelar i titan. Så mogleghetane er veldig store til å skape nye ting på ein enklare måte.

No trur designaren at 3D skriving blir vanlegare og mindre kostbart, og at folk truleg kjem til å skrive ut sin eigen julepynt om ikkje mange år:

– Det blir spennande å sjå kva slags veg denne teknologien tar, og kor allment det faktisk blir. Men hadde du snakka med såkalla «vanlege folk» på 1850-talet om t.d vannklosett, så tenkjer eg at folk hadde fått hakeslepp og rista på hovudet. Det kan vere slik med 3D-skriving også: Det høyrest litt ut som science-fiction. Men kanskje er det heilt vanleg om ti til femten år.

SISTE NYTT FRA HEDMARK OG OPPLAND

  • Kinesisk snøkunst til Beitostølen

    Neste veke kjem ei gruppe med kinesiske snøskulptørar til Beitostølen for å starte arbeidet med eit stort kunstverk i snø, melder OA. I alpinbakken har dei nå laga ein snøhaug på tusen kubikk som dei langreiste kunstnarane skal få boltre seg i. Kunstverket er ein del av avtala som Beitostølen resort har inngått med millionbyen Harbin i Kina.

  • Bil velta mellom Moelv og Brøttum

    Ein bil ligg på sida etter ei utforkøyring på fylkesveg 213 mellom Moelv og Brøttum, like ved Ulvenkrysset, skriv Ringsaker blad. Bilen har treft brøytekanten før han velta inn i vegbana. Politiet var på staden rundt klokka 17 i ettermiddag. Dei har så langt ikkje sett noko til føraren av bilen. Trafikken blir dirigert manuelt forbi staden.

  • Stort underslag for retten

    Tirsdag må en bonde fra Hedmark og en tidligere regnskapssjef i Gartnerhallen møte i retten, tiltalt for å ha underslått 49 millioner kroner fra frukt- og grøntprodusenten. Ifølge førstestatsadvokat Geir Kavlie i Økokrim er dette en av de mer alvorlige underslagssakene Økokrim har hatt, skriver NTB.