NRK Meny
Normal

Gjekk glipp av Obama

Canal Digital fjerna tv-signala midt under Obamabesøket.

Barack og Michelle Obama ned trappen

Dette øyeblikket gjekk mange tv-kunder i Lillehammer glipp av.

Foto: Heiko Junge / Scanpix

Fleire Canal Digital-kunder på Lillehammer sette kaffen i vrangstrupen da dei skulle sjå Barack Obama lande på Gardermoen i dag.

TV-signala forsvann, og hundrevis av Canal Digital-kunder vart sitjande att med svart skjerm. Det var bebuarar ved fire bydelar i Lillehammer som miste tv-sendinga.

Min fyrste respons er at dette er fullstendig respektlaust overfor Canal Digital sine kunder.

Steinar Åmot, Canal Digital-kunde

Alt om Nobels fredspris finn du her.

- Planlagt arbeid

Steinar Åmot

Steinar Åmot mista tv-signalet like før Obama skulle lande på Gardermoen.

Foto: Reidar Kjæstad / NRK

Informasjonsdirektør i Canal Digital, Jørgen Thaule, seier at dette var eit planlagt vedlikehaldsarbeid som dei måtte gjennomføre i dag.

- Det er klart at vi prøver å unngå at slikt arbeid skjer på dagar der mange ser på tv. Vi fekk gjort det slik at alle kan sjå på Obama så mykje dei vil utover dagen.

- Var dette god planlegging?

Det var nødvendig planlegging. Det er ein historisk dag, og folk på Lillehammer får sett 22 av dei 24 timane. At dei mistar to av timane er sjølvsagt synd, seier Thaule.

Følg Obama sitt besøk i Noreg direkte.

– Veldig dumt

Kommunikasjonsdirektør Sigurd Sandvin i NRK tykkjer ikkje Canal Digital sitt vedlikehald var godt planlagt.

- Av alle dagar i løpet av dette året og kanskje dette tiåret er dette den uheldigaste dagen det kunne skje på. Vi opplever det som veldig dumt at dei gjer dette i dag.

Han fortel at NRK brukar mykje ekstra ressursar for å dekkje fredsprisutdelinga, og at det er synd dersom ikkje alle får høve til å sjå det. Dei vil nå ta kontakt med Canal Digital for å høyre kva som var bakgrunnen for deira vedlikehaldsarbeid.

Steinar Åmot på Lillehammer fekk med seg det viktigaste frå Obama-besøket etter at han kom på jobb, men er ikkje tilfreds med måten hans tv-leverandør har oppført seg på.

- Vi tykkjer at dette er ei såpass viktig hending at det hadde vore greit å hatt signal denne dagen.

Steinar Åmot og Obama

Da han kom på jobb fekk Steinar Åmot endeleg sjå kva som skjedde under fredsprisutdelinga.

Foto: Reidar Kjæstad / NRK

SISTE NYTT FRA HEDMARK OG OPPLAND

  • Brann i Gjøvik

    Alle kom seg ut da det brøt ut brann i en bolig i Nerby Terrasse i Gjøvik klokka 00.40 i natt. Brannårsaken var trolig varmgang i en avfukter, melder politiet.

  • Får 30.000 for å pendle

    Ansatte i fylkeskommunen som må pendle når Hedmark og Oppland slås sammen skal få mellom 20.000 og 30.000 kroner i kompensasjon i året, samt inntil en times reise hver dag inkludert i arbeidstiden. Det skriver Østlendigen.