I april i fjor døydde ein person i ei bilulukke på Lillehammer og i dag starta rettssaka mot den 19 år gamle sjåføren. Han er tiltala for tre forhold, men erkjenner deg berre skuldig på to punkt. Han erkjenner seg ikkje skuldig i aktlaust drap, men seier han køyrde aktlaust og innrømmer å ha køyrt over fartsgrensa.
- Les også: – Dette er tungt for heile skulen.
Usemje om hastigheita
Den tiltala har innrømma at han køyrde over fartsgrensa, men ikkje så mykje som tiltala seier. Vegvesenet målte ei fart på 115 km/t på ulukkesstaden som ligg i ei 50-sone. Aktor legg vekt på ei rekonstruksjon av ulukka gjort av sakkunnige, som seier at bilen hadde ei fart på 98 km/t. Den tiltala meiner han hadde ei fart på 60 km/t.
– Vi meiner langt høgare enn 60 km/t og det skulle tale for seg at det er det usemje om, seier aktor, Hans Petter Ommedal.
Ein nabo, som var vitne til ulukka sa i retten at det var usikkert kor høg fart bilen hadde hatt, men at det kanskje var opp mot 100 km/t. I morgon vil ekspertar reise på synfaring i området der ulukka skjedde i Vårsetergrenda i Lillehammer.
Kan måtte betale erstatning
Både aktor og forsvarer ser svært alvorleg på saka, og seier det er ei alvorleg tiltale. Guten er tiltala for å aktlaust ha teke livet av ein av passasjerane sine.
Bistandsadvokaten til dei etterlatne, Linn Kristin Myren reiste påstand om erstatningssøksmål mot den tiltala. Forsvarer, Gunnar Hagen meiner det kjem an på kva retten legg til grunn av bevis i saka, for at det skal bli eit erstatningsspørsmål.
– Det er eit vilkår at det er utvist grov aktlause, og det blir gjort gjeldande at det ikkje er ligg føre i den saka her, seier forsvarer, Gunnar Hagen.