I Dovre vart det ei svært spanande folkerøysting om kommunen skulle gå saman med naboen Lesja. Førehandsstemmene synte eit klårt nei-fleirtal, men når valdagen kom vart det til slutt jafolket som sigra.
50,7 prosent av døvringane ville ha ei felles Lesja-Dovre kommune. 47,9 svara nei.
Under halvparten av innbyggjarane i Dovre valde å bruke stemmeretten sin.
Valdeltakinga enda på 46,7 prosent.
Eit rungande nei
Det hjelpte ikkje at ordføraren gjekk føre og sa JA til å samle Dovre og Lesja til ei felles kommune.
Lesjingane ville ikkje ha Lesja-Dovre.
75,94 stemde nei og 23,17 sa ja.
Valdeltakinga i Lesja var stor. Nær 7 av 10 lesjingar over 16 år valde å si meining.
Også da førehandsstemmene var talde viste dei at 78 prosent i Lesja sa nei, medan 21 ynskte ei kommune saman med Dovre.
I Dovre var det jamnare der 52,1 sa nei, medan 46,9 villa ha Lesja-Dovre.
Resultatet vart eit klårt NEI i Lesja, medan folk i Dovre sa JA.
Sp-ordførarar seier JA til felles kommune
Ordførarane i dei to kommunane har sagt tydeleg ja. Dei har vore At dei representerer nei-partiet Senterpartiet er inga hindring.
Lesjaordførar Mariann Skotte ville helst hatt ei felles kommune.
Foto: Lesja kommune– Vi har så mykje til felles, seier Mariann Skotte som er ordførar i Lesja, og understrekar at dei allereie har mykje samarbeid.
Dei to kommunane har også like utfordringar med nedgang i innbyggjartalet. Ho meiner at dei lettare kunne stått imot ei ytterlegare sentralisering ved å stå saman.
Folket vi trefte ved stemmeurna rett før vallokalet stengde var delte. Men det viste seg at i Lesja enda fleirtalet på nei.
Slik stemde lesjingane i vallokalet i dag.
