I går vart nedlegginga av Lom og Skjåk ysteri i Gudbrandsdalen diskutert heftig i riksmedia. Både i Dagsrevyen og på debattprogrammet Aktuelt på NRK2 vart framtida til Gudbrandsdalsosten grundig debattert.
- Gudbrandsdalsosten kan forsvinne frå Gudbrandsdalen
- – Håplaust av Tine
- Solgte mindre brunost enn forventa
Lom og Skjåk ysteri er det siste meieriet i Gudbrandsdalen som produserer G35. Ei arbeidsgruppe i Tine foreslår å legge ned ysteriet av økonomiske årsaker, men mange meiner at identiteten til osten vil forsvinne dersom produksjonen forsvinn ut av området.
9000 fleire medlemmar
I dag er nærmare 16.000 med i gruppa på Facebook.
Foto: Faksimile / FacebookOg det er tydeleg at mediedekninga har vekt engasjementet til forbrukarane. Facebookgruppa "La G35 leve" hadde onsdag omlag 6500 medlemmar. Eit døgn seinare er nærmare 16.000 med i gruppa, og talet stig stadig.
– Responsen har vore heilt enorm, og er overraska over kor engasjerte folk er. Det viser at forbrukarane her i landet har makt, seier Arne Brimi.
Han fortel at han var innom Theatercafeen etter TV-opptaka i går, og også der var engasjementet stort.
– Det var ein som tok underskriftslista og gjekk rundt, og også der var det mange som skreiv under.
Sjå heile brunostdebatten her (startar etter omlag 11 minutt).
– Vil hjelpe Tine
Den endelege avgjerda om Lom og Skjåk ysteri blir teke på eit styremøte i Tine 26. oktober.
Brimi er usikker på om engasjementet som har kome til syne dei siste dagane vil påverke Tine til å endre planane sine.
– Vi ynskjer fyrst og fremst å få Tine til å sjå det fenomenale varemerket for Tine. Det er ein enorm verdi for dei og vi vil hjelpe dei til å sjå det.
Høyr heile intervjuet med Arne Brimi.
