Kva er den raude boksen på venstre side i fjoset?
– Det er kraftfôrautomaten der kyrne kan forsyne seg med si daglege dose med kosttilskot. Det er ei grind for å hindre at det blir knuffing ved automaten.
Kva er årsaka til at ein del av kyrne går rett gjennom roboten?
– Det må gå ei viss tid mellom kvar gong kyrne mjølkar. Dersom det er for kort tid sidan sist så blir det registrert av roboten og kua må gå att. I snitt mjølkar dei litt over tre gonger i døgnet på Ulberg.
Kva ligg kyrne på?
– Kyrne ligg på gummimatter med flis oppå.
Kva tid kan kyrne gå ut?
– Dei kan i prinisippet gå ut når dei vil, heile døgnet. Men dersom det er for lang tid sidan dei vart mjølka så må dei ta ein runde i roboten før dei får lov til å gå ut. Dei likar gjerne å gå ut i flokk. I vinterhalvåret er dei innandørs.
Kva i all verda er den vesle bilen som køyrer over golvet ein gong i blant?
– Det er skraperoboten som bidreg til å halde det reint i fjoset.
Kva tid blir det kalving?
– Det er ikkje godt å seie, men Dagros (450) har termin 6. september.