- Eg skal berre ut og trekkje frisk luft.
Unnskuldingane er mange når folk skal ut for å tilfredsstille røykesuget. For det er slett ikkje slik at alle tør å stå inne for at dei er avhengig av den vesle nikotinpinnen.
Ei undersøking Norstat har laga for legemiddelprodusenten Pfizer viser at 47 prosent av alle som røyker i Noreg heilt eller delvis gjer det i smug.
Smugrøyker for foreldra
Undersøkinga viser at redselen for sinte foreldre heng i, også etter at avkommet har vorte godt vakse. 24 prosent av dei som skjuler røykinga gjer det nemleg for foreldra. Mange av desse er over 50 år.
- Det overraskar meg at folk i den aldersgruppa fortsatt smugrøyker. Men fleire og fleire er oppteke av helse og velvære, og mange vil da skjule at dei røyker, seier lege Kjetil Høye.
Han har jobba med mykje med å få folk til å slutte å røyke, og trur at sosialt press gjer at mange ikkje vil stå for at dei røyker.
- Eg meiner det er med rette at det blir sett eit stempel på dei som røyker, for det er jo farleg. Du kan røyke i smug, men det beste er jo å slutte, seier Høye.
- Var tøft å røyke
Tal frå Helsedirektoratet viser at omlag kvar femte nordmann over 18 år røyker, men Høye trur likevel at røykens rykte er på veg ned.
- Det er ikkje lenge sidan det var tøft å røyke, nå har det meir fått preg av å vere ein risikosport.
- Er det mange av dine klienter som innrømmer at dei smugrøyker?
- Det er nokre som innrømmer det, men det er mange som ikkje tør. Og eg prøver jo etter beste evne å slå eit slag for røykestoppen, for det er jo ikkje greit å få i seg ammoniak, arsenikk, cyanid og nikotin, seier Kjetil Høye.
Sjå kor mange som smugrøyker i ditt fylke:
